BUTUAN CITY – Nakumpiska sa tropa sa 23rd Infantry (Masigasig) Battalion, Philippine Army ang mga pinutos nga bala og suplay nga pagkaon nga gitagoan sa hideout nga gi-abandona sa mga miyembro sa Communist Terrorist Group (CTG) sa lasang nga parte sa Sitio Lamusig, Barangay Tungao, Butuan City.
Ang mga ginsakpan sa 23IB kauban ang mga personahe sa Mobile Community Support and Sustainment Team kon MCSST sa Tungao lakip na ang Regional Mobile Force Battalion 13 (RMFB 13) Community Action Team milusad sa special intelligence operation isip tubag sa taho sa nagpakabanang sibilyan sa maong lugar diin dunay aktibidad ang NPA ug lokasyon sa ilang hideout.
Sa pag-abot sa lugar, nakadiskubre ang puwersa sa gobyerno sa gibana-banang 50-square meter nga lugar nga nagsilbing hideout nga mo-akomodar sa dili mominus 10 katawo.
Gibulgar sa mga sibilyan nga ang maong kampo gi-abandona na sa NPA 2 ka adlaw ang nakalabay adiser kini nadiskubrihan.
