BUTUAN CITY – Nakumpiska sa tropa sa 23rd Infantry (Masigasig) Battalion Philippine Army ang mga materyales nga panghimo og Improvised Explosive Device kon IED nga gilubong sa kumunistang New People’s Army kon NPA sa may Barangay Maasin, Esperanza, Agusan del Sur sa nakalabay nga adlaw bandang alas 6:30 sa sayong gabii.
Usa ka alyas Lee, kanhe Rebelde nga misurender sa 23IB ang mibulgar sa lokasyon sa nasangpit nga bomb-making materials. Gelayong miresponde sa lugar ang kasundaluhan og nadiskubre ang 4 mka gallons nga dunay sulod nga 85 ka pakete sa Ammonium Nitrate nga gilubong sa lugar sa Barangay Maasin.
Mahinumdumang niadtong Hunyo 23, 2020, ang tropa sa 23IB nakakumpiska usab sa katibuk-ang 11 ka mga containers sa Ammonium Nitrate og uban pang bomb-making materials sa susamang Brgy human miresponde sa taho sa nagpakabanang residente.
Sumala pa ni Alyas Lee nga ang nasangpit nga mga containers sa Ammonium Nitrate gigamit sa mga miyembro sa Sub-Regional Sentro de Grabidad (SRSDG) SAGAY, Sub-Regional Committee (SRC) 3, North Central Mindanao Regional Committee (NCMRC) diin makahimo kini og dili moubos sa 85 ka Anti-Personnel Mines.
Sumala pa ni Lt. Co. Julius Cesar C. Paulo, acting commander sa 23rd dakong pagsupak kini sa Comprehensive Agreement on Respect for Human Rights and International Humanitarian Law CARHRIHL.
Ang gibuhat matud pa sa rebelding grupo nagpakita lang nga wala nila gikonsidera ang katungod sa katawhan nga nagpuyo sa maong hilit nga barangay.
Gipasalamatan nalang sa opisyal ang lakang nga gihimo sa mga residente og Former Rebels sa paghatag og positibong impormasyon mahitungod sa nahimutangan sa mga IEDs og explosive materials nga gitaguan sa mga rebelde.
