BUTUAN CITY – Gipalagan sa mga kabanay ni Ricky Enoy, ang gi-alegahang kauban sa grupo sa mga rebelde nga mipatay kang Police Executive Master Sergeant Jimmer Omisol sa Carmen, Agusan del Norte, ang pag-aresto kaniya sa pag-ingong dili kini ang gipangeta sa kapulisan.
Ang kanhe rebelding New People’s Army kon NPA gi-aresto niadtong Lunes tungod sa kalambigitan sa pagpatay sa pulis niadtong 2019.
Si Ricky Enoy, 43-anyos gidakop sa kapulisan mga alas 8:00 sa gabii sa Barangay Cubi-Cubi, Nasipit, Agusan del Norte pinaagi sa arrest warrants sa kasong murder og frustrated murder. Kini ang pagkumpirma ni Caraga police director Brig. Gen. Joselito Esquivel Jr.
Si Enoy, kansa No. 2 most wanted usab sa Carmen ang gikustudiya karun sa Nasipit MUnicipal Police Station. Sumala pa ni Esquivel nga naningkamot sila nga madala sa hustisya ang tanang suspetsado sa pagpatay. Padayon silang nakig-alayopn sa force multipliers og intelligence community aron matul-tulan ang nahabiling mga suspects sa insidente.
Apan mipalag ang mga kabanay ni Enoy sa pag-aresto nga walay warrant dungan sa pagpamugos nga usa lang kini ka mag-uuma nga naningkamot alang sa iyang mga anak. Sigon sa pag-omangkon sa suspek nga si Loriely Enoy-Monteclaro, sakit alang kanila ang nahitabo nga magbayad siya sa sala nga wala niya gibuhat.
