BUTUAN CITY – Nahulog sa mga kamot sa otoridad ang 5 ka wanted persons nga New People’s Army Militia ng Bayan (MB) human nasikop sa hiniusang AFP-PNP Law Enforcement Operation sa KM 20, P-7 Barangay Don Alejandro, San Luis Agusan del Sur, sa nakalabay nga hapon.
Naila ang MB members nga sila Ruby Curato Havana, Francisco Helarion Tawide, Jerome Gomez Tawide, Jeneki Dolores Havana og Poldo Andaya Curato, nga parehong Militia members sa Guerilla Front 88, North Central Mindanao Regional Committee sa kumunistang NPA Terrorist.
Na-aresto ang mga niini sa tropa sa San Luis Municipal Police Station og 26th Infantry Battalion, Philippine Army pinaagi sa Warrant of Arrest sa kasong Multiple Attempted Murder nga dunay criminal case No. 6004 dunay petsang Setyembre 10, 2018, nga gi-isyu ni Hon. Lou A. Nueva, Presiding Judge sa RTC Branch 7, Bayugan City.
Ang mga nadakpan gikustudiya na sa San Luis Municipal Police Station alang sa tukmang disposasyon.
