BUTUAN CITY – Tungod sa kabalakang mabiktima sa gipangtaguan nga mga materyales nga gamit sa paghimo og bomba, gisumbong na sa mga residente ang anti-personnel mines kon APM depot sa mga rebeldeng New People’s Army kon NPA nga gilubong sa bukirang bahin sa Brgy. Maasin, lungsod sa Esperanza, Agusan del Sur.
Sa eksklusibong pakighinabi ning sibyahan kang 1stLt. Roel Maglalang, Civil Military Operations kon CMO officer sa 23rd Infantry ‘Masigasig, Battalion, Philippine Army, natud-an ang maong depot tungod sa tip sa mga residenteng gikapoy na sa padayongpagpangilkil, pagpang-recruit, manipulasyoningon man dili tawhanong kalihukang gihimo sa maong grupo sa ilang barangay.
Sa pagresponde sa mga otoridad ilang narekober ang 11 ka mga containers sa Ammonium Nitrate; duha ka mga blasting caps; 205 ka mga rounds sa ctg, 7.62mm ball; lima ka mga magazines sa M14 Rifle; usa ka rolyo sa firing wire; nga tela nga isyu sa NPA ukg mga subersibong dokumento.
Gibutyag sa opisyal nga ang kinontiner nga ammonium nitrate, gamiton sa Sub-Regional Sentro de Grabedad (SRSDG) SAGAY ug Sub-Regional Committee (SRC) 3, North Central Mindanao Regional Committee (NCMRC) sa paghimo og 60 ka mga anti-personnel m ines.
Gibutyag pa sa opisyal nga ang matag-container duna’y sulod nga tag-23 kapakete sa ammonium nitrate nga kayang makahimo og lima ka mga APMs kansa dakong hulga na sa mga residente rason sa ilang kabalaka ilabina nga mao kini ang kasagarang itanom sa mga rebelde sa dalan.
Gidugang pa sa opisyal nga hugot nga gidiliang mga improvised explosive devces kon IEDs tungod kay dili lang ang pwersa sa kagamhanan ang ma-igo niini kondli apil na ang mga inosenteng sibilyan sama sa mga mag-uuma.
Paglapas usab kini sa kasabutang nasulod sa Ottawa Treaty, Geneva Convention and Comprehensive Agreement on Respect for Human Rights and International Humanitarian Law (CARHRIHL), nga nasabutan ug parehong gipirmahan sa duha ka panig.
Alayon niini, gipanawagan niya ang ubang nalingla pa sa rebolusyunaryong kalihukan nga padayon pang nagtago-tago sa kabukiran nga mubalik na sa sabakan sa gobyerno aron malinawon nang maka-uban ang ilang pamilya.
