BUTUAN CITY – Mi-ane og hugot nga pagkondena gikan sa Tribong Manobo ang gihimong pagpatay sa mga rebelding New People’s Army kon NPA sa duha ka mga CAFGU sa may Barangay Calatngan, San Miguel sakop sa probinsiya sa Surigao Del Sur kagahapon sa alas 8:00 sa buntag.
Giila ni Datu Rico Maca, Indigenous peoples mandatory representative kon IPMR sa maong lungsod ang mga biktima nga sila CAA Aldren Azarcon ug CAA Dennis Ortega nga parehong miyembro sa Tribong Manobo.
Sumala pa ni Datu Rico, nagkabo lang ang mga biktima nga nakasibilyan og walay dalang armas og sa ilang pagpauli sakay sa motor, girapido kini sa gibana-banang 7 ka armadong kalalakin-an nga gikan sa Sandatahang Yunit Pampropaganda – Interior (SYP I), Guerrilla Front 2130, NEMRC ilalom sa alyas Blen.
Na-igo sa nagkalain-laing parte sa kalawasan ang mga biktima hinungdan sa ilang kamatayon.
Gidala sa punerarya ang patay nga lawas sa mga biktima adiser kini hayaon sa barangay Calatngan.
Sumala pa ni Dato Maca, usa ka dakong pagsupak sa balaod ang nasangpit nga pagpatay aron lang maghimo og accomplishment alang sa nagkadool nga anibersaryo karung Disyebre 26.
Dungan sa pagbutyag nga wala sila nibati og kahadlok kundi nasuko sa walhong grupo.
