BUTUAN CITY – Gika-alarma karun ang nahitabong pagpanakit sa usa ka babayeng wala sa saktong pangisip bandang alas 6:00 kagabii sa usa ka establishemento sa Langihan ning siyudad sa Butuan.
Nahimong biktima niini ang usa ka lalaki nga nasamad sa bukton og ang babaye nga didto na-igo sa likod nga bahin. Nasayran nga nakakuha ug atensiyon ang post sa biktima diha sa social media diin makita ang samad niini sa bukton.
Base sa iyang post, Nadakpan na matud pa ang suspek nga anaa sa Langihan Police Station apan nabalaka ang biktima nga basin ug nakagawas ra kini og makapamiktima og laing indibdiwal.
Sa eksklusibong pakighinabi sa Bombo Radyo Butuan kang Butuan City Councilor Ferdinand Nalcot , gipahayag niining padayon niya karung gipanubayan ang insedente.
Sumala pa sa opisyal, tawagan niya ang taga Langihan Police Station aron masuta kung anaa paba sa ilang kustudiya ang maong suspek samtang pahibal-an usab ang taga City Social Welfare and Development kon CSWD og City Health Office aron masuta kung wala ba gyud sa saktong panghuna-huna ang maong babaye. Kini aron mapadala ngadto sa mental hospital ang suspetsado.
PHOTO COURTESY BY MICAH LIM ORONGAN
