BUTUAN CITY – Nagkada-iyang mga farm equipment ug machineries nga mukantidad og 208-milyunes pesos ang gipang-apod apod sa Department of Agriculture kon DA-Caraga atol sa ‘One time Bigtime’ mass turn-over ceremonies nga gipaghigayon sa Regional Integrated Agriculture Research Center sa may Purok 8, Brgy, Taguibo ning siyudad sa Butuan kansa kabahin sa farm mechanization program sa ahensya.
Sigon ni DA-Caraga spokesperson Emmylou Presilda, apil sa mga kagamitan ang alang sa humay, mais, mga organic, high value crops ug livestock support.
Ang maong mga gamit, apas-sumpay sa una nang gihatag nga usa ka gatus ka mga rice transplanters ning mi-aging buwan sa Hunyo nga dakong abag sa pagsugod sa planting season.
Gidugang sa opisyal nga ang nasangpit nga mga gamit, gi-purchase base na sa hangyo sa mga mag-uuma og sa mga farmers’ organizations.
Samtang gibutyag ni Rebecca Atega – ang field operations chief sa Department of Agriculture-Caraga nga pag-uli sa mga farmer beneficiaries, kinahanglang igarahe nila ang mga gamit pang-uma sa mga sheds aron dili ma-uwanan og ma-initan.
Kinahanglan usab nga ampingan ang maong mga gamit ug ipa-repair kung gikinanglan na tungod kay mao kini ang duna’y dakong papel sa Rice Tariffication Program nga gipatuman sa Duterte administration.
Samtang sigon ni Nestor Fuentes – agriculture technician sa Butuan City Agriculture’s Office, dinhi sa Butuan, apil sa nakadawat niini ang upat ka mga farmers’ organizations ning siyudad ang nakadawat og tag-usa ka yunit sa rice-combine harvester samtang duha usab ang makadawat og tag-usa ka yunit sa 4-wheeled farm tractors wala pa’y labot sa laing uban.
