BUTUAN CITY – Nagtuo si Butuan City og Agusan del Norte First District Representative Lawrence Lemuel H. Fortun nga maglisud paglusot ang balaod nga death penalty sa Senado.
Sa eksklusibong pakighinabi sa Bombo Radyo Butuan, gikabutyag ni Cong. Lawrence Fortun nga bisan paman nga daling nakalusot sa ubos balay balauranan ang sugyot balaudnon sa pagbalik sa death penalty, apan natanggong matod pa kini karon ngadto sa committee on justice diin wala pa nakalabang sa plenaryo sa hawanan sa Senado.
Hinuon kumpyansa ang kongresista sa una ng gipadayag ni Senate President Vicente “Tito” Sotto III nga mapasar ang pagbalik sa death penalty sa nasud apan muagi matod pa sa buslot sa dagom ang maong balaudnon.
Sigon sa magbabalaod daghan ng mga nasud ang nagwagtang sa silot kamatayon tungod sa kawalay rason nga pabilig ipatuman kini.
Iyang gidugang nga kaya matod pang mapakunhod ang krimin bisan paman nga walay ipatumang death penalty, apan kinahanglan lang nga pursigido ug seryoso ang panggamhanan sa paggukod sa kriminalidad sa nasud.
Sa pikas bahin positibo alang sa kongresista ang nahimong State of the Nation Address sa Pangulo diin apil matod pa sa dul-an 16 ka mga issue nga gihisgutan niini mao ang 5 ka mga sugyot balaudnon nga apil sa iyang mga priority measures.
