BUTUAN CITY – Emosyunal nga mi-atubang sa iyang mga miyembro ang lider sa Forex Trading nga si Maam Wing sa Talacogon, Agusan Del Sur, ang gika-ingong pinakadakong na-pay-in sa Forex Trading nga muabot sa 131 milyones pesos.
Nasuta nga daghan diay’ng tag-iya sa maong kantidad diin ang nagdala niini ngadto sa founder sa Forex Trading nga si Dimber Celis, mao lang si Maam Wing.
Dinhe gibutyag ni Maam Wing ang iyang mga nadawat nga hulga sa kinabuhi, diin lakip sa mga nagbahad kaniya mga miyembro pa sa kapulisan.
Sigon pa niini, bisan paman sa hulga sa kinabuhi, mipakita siya sa iyang mga miyembro aron klaruhon nga wala siya maka-pay-out ug bakak ang alegasyong misibat siya.
Naningkamot matud pa siya sa pagpasaka ug kaso ngadto sa NBI ug CIDG batuk sa Founder nga si Dimber Celis sa pagtoo nga mauli ang ilang gi-invest nga kwarta human gipasira ug gi-raid sa otoridad.
Mihangyu nalang kini sa iyang mga miyembro nga tabangan siya sa pagpasaka og kaso batuk kang Celis.
