BUTUAN CITY – Wala’y lipod-lipod nga gi-angkon Forex leader sa Nasipit, Agusan del Norte nga scam ang modus operandi sa Forex.
Sa eksklusibong pakighinabi sa Bombo Radyo Butuan, gipadayag ni Jessica Linugao, taga-Brgy. Amontay sakop sa maong lungsod, nasayod matud pa ang tanan nilang mga miyembro nga scam ang ilang gisudlan tungod kay nakalatid matud pa kini sa form nga ilang gi-fill-up-pan.
Gi-angkon kini ni Linugao sa iyang personal nga pagdalikyat ning sibyahan aron maklaro ang maong isyu ilabina ang nagkadaghan karong mireklamo aron lang mabawi ang ilang gi-pay in nga kwarta.
Gidugang pa niini nga dili siya ang nang-recruit tungod kay mismong ang mga tawo ang muduol kaniya og mihatag sa ilang kwarta aron ma-invest kansa gihatag usab niya ngadto sa iyang igsoon kinsa mao na’y mu-remit niini kang Forex founder Dembir Celis.
Iya usab nga giklaro nga sama sa ubang mga miyembro, wala pa usab siya naka-pay out sa iyang gi-invest nga kwarta.
