BUTUAN CITY – Midaghan pa ang complainant nga mga investors sa Forex Trading kansa midangop sa Criminal Investigation Group kon CIDG-Caraga.
Sa pinaka-ulahing ihap nga nakuha ning sibyahan kagahapon sa hapon, miabot na sa 105 ka investors ang mireklamo batuk sa mga kadagkuang opisyal sa Forex human nga wala na-pay-outan.
Lakip sa mga personalidad nga nagreklamo mga magtutudlo, negosyante ug uban pa apan wala pa’y mga pulis og mga sundalo.
Nasayrang gibutyag ni Police Lt. Col. Cholijun Caduyac, CIDG-Caraga regional chief nga kasong syndicated estafa ang ipasaka batuk sa mga kadagkoang opisyal sa Forex Trading ngadto sa korte aron mapagawas na angf warrant of arrest batuk sa mga suspetsado.
Nag-request na usab ang opisyal sa CIDG-Manila ug look out order diha sa mga pantalan ug paluparan batuk sa mga opisyal sa Forex Trading.
Nagbutang pa og express lane ang CIDG-Caraga alang sa mga reklamante sa Forex Trading.
