BUTUAN CITY – Shock ang usa ka ginang sa usa sa mga barangay sa lungsod sa Tubay, Agusan del Norte human niya personal nga nasaksihan ang kamatu-uran sa taud-taud nang nabani-og nga istorya sa ilang mga silingan nga dili katu-uhan.
Nasayrang padulong na unta magbahog sa ilang baboy nga atua pa sa usa nila ka balay, ang ginang nga gitago lang sa pangalang Daday dihang namatikdan niyang duna’y komosyon sa nalabyan niyang tangkal sa baboy rason nga iya kining gipadul-an.
Sa distansya pa lang, nakita niyang duna’y gibitay nga t-shirt og pantalon dapit sa nipa nga atop sa tangkal og dako na lang ang iyang kahingangha dihang nakita niya ang hubo nga 21-anyos nga ulitawo nilang silingan nga kamulo og birada sa binuhing baboy sa lain nilang silingan.
Tungod sa ka-ulaw nga iyang gibati nga dala sa iyang nakita, daling mibiya ang maong ginang og gi-asuy niya ang tanan ngadto sa iyang mga anak nang hamtong.
Dinhi na siya nakatuo nga tinuod ang iyang nabating hungihong sa ilang mga silingan tungod sa iyang nasaksihan.
