BUTUAN CITY – Kung aktibong gi-aksyunan sa mga regional directors sa Philippine National Police kon PNP og sa National Bureau of Investigations kon NBI ang illegal nga operasyon sa Kabus Padatoon kon KAPA International Community Ministry nga anaa sa ilang rehiyon, dinhi sa Caraga Region, imbestigahan pa lang nila kini.
Kini taliwa sa verbal order nga gipagawas ni Pangulong Rodrigo Duterte sa interview ni Pastor Apollo Quiboloy kaniya kalabot sa kaylap nga operasyon sa kapa.
Samtang sa panig usab ni Police Regional Office kon PRO-13 regional director Brigadier General Gilberto DC Cruz, gipadayag niining muhimo pa sila og imbestigasyon sa mga KAPA branches og kung duna’y makitang mga kalapasan, iya na matud pang irekomenda ang pagpasira niini taliwa sa una nang kamanduan sa SEC og ni Pangulong Duterte.
Ang buhatan sa NBI-Caraga nga dugay nang gikuhaan sa Bombo Radyo Butuan sa ilang aksyon batuk sa KAPA bisan niadtong wala pa ang kamanduan ni Pangulong Duterte, hangtud karon wala pa gihapo’y komento og deadma lang sa cease and desist order nga una nang gipagawas sa Securities and Exchange Commission kon SEC apil na sa advisory nga gipagawas ni Interior and Local Government Sec. Eduardo Año.
