BUTUAN CITY – Baynte ka balay nga gama sa lights material ang na-ugdaw sa ikaduhang sunog kagahapon sa hapon sa Purok 7 Brgy. Fort Poyohon ning dakbayan sa Butuan.
Samtang sa pakighinabi usab sa Bombo Radyo Butuan, gipadayag usab ni SFO4 Rodrigo Canton sa BFP Butuan, nga gi-isa sa 2nd alarm ang sunog nga girespondihan sa 6 ka mga firetrucks og milungtad sa duha ka oras adiser hingpit nga napalong.
Sumala ni Boy Cablay, residente sa maong dapit, nagsugod ang sunog sa gipa-abangang balay ni Remedios Bagatsing nga daling mikaylap sa kasikbit nga kabalayan.
Gibutyag sa opisyal nga naglisod sila ug sulod tungod sa kapi-ot sa dalan rason nga gikinahanglan pa nilang magsumpay ug 10 ka hose aron lang nga mapalong ang kalayo.
Gibana-banang mukabat sa 400-mil pesos ang damyos sa sunog nga nagsugod pasado alas-3:35 sa hapon kagahapon ug hingpit nga nadeklarang under control pasado na alas 5 sa hapon og nadeklarang fireout pasado alas-sais sa gabii.
