BUTUAN CITY – Hilabihan ang pagpasalamat sa usa ka pamilya gikan sa Basilan human hingpit na nilang nakita ang ilang igsoon nga tulo ka tuig nang nawala tungod sa tabang sa Bombo Radyo Butuan.
Mibalik si Satar sa Bombo Radyo aron subling manawagan niadto lang nakalabay nga semana.
Kagahapong adlawa, hingpit na nilang nakita ang iyang igsoon human usab mihatag og impormasyon ning sibyahan si Kanhe Barangay Kapitan Danilo Babor, sa Barangay Bayanihan ning siyudad sa Butuan.
TUngod niini, gibalikan nila ang Bombo Radyo aron personal nga magpasalamat.
Nasayrang niadto pang 2017 midangop ning sibyahan sila Satar Sakilan, usa ka muslimaron makita ang iyang igsoon nga pulis nga si SPO2 Moreno Bebe.
Naputos usab sa pagpasalamat si SPO2 Bebe tungod kay dugay na usab niyang gustong makita pag-usab ang iyang pamilya ilabina ang iyahang inahan.
Saysay pa niini, problema sa pamilya ang nagtuklod kaniya nga mobiya sa ilang lugar ug miuban sa iyang higala nga mao nay gisak-an niya ning siyudad sa Butuan.
Sumala pa niini, hilabihan ang iyang kalipay sa dihang nakita niya mismo ang iyang inahan nga mianhe gayud sa Butuan City og dayung butyag nga gusto na usab niyang mubalik sa iyang pamilya.
