BUTUAN CITY – Padayon pa ang imbestigasyon sa kapulisan sa Buenavista, Agusan del Norte aron ma-ilhan ang mga responsable og motibo sa pagpamusil kaganinang pasado alas-12:24 sa udto.
Ang maong insidente nga natigayon sa gawas nga bahin sa merkado publiko sa maong lungsod, mibiktima kang Jason Bantugan, residente sa Brgy. Upper Olave samtang pabiya na sa merkado sakay sa iyang motorsiklo.
Sigon sa nakasaksi sa maong hitabo nga si Agustin Caubat, nagsunod matud pa kaniya ang biktimang sakay sa iyang motorsiklo og dihang mihunong na siya tungod sa ilang balay, nabantayan niyang gisundan ang biktima og duha ka lalaking sakay sa kolor blue nga motorsiklo dayong tira sa biktima.
Dihang natumba na kini, lain pang duha ka mga lalaking sakay usab sa laing motorsiklo ang mitiwas pagpusil sa biktima adiser nanibat. (NEWS & VIEWS AFTERNOON – VOICE CLIP OF AGUSTIN ….CUE OUT…..TANAN SIR).
Dugang pa ni Agustin, wala gilayon matabangi sa mga tawo sa palibot ang biktima tungod sa kahadlok nga balikan pa kini ilabina nga buhi pa kini human sa pagpamusil.
Upat ka mga boto matud pa sa armas ang iyang nadunggang milanog samtang daling gidala sa Nasipit District Hospital ang biktima aron sa pagluwas sa iyang kinabuhi.
