BUTUAN CITY – Usa ka vlogger gikan sa China kinsa nag-livestream sa iyang kaugalingon dihang misulay pagkaon sa usa ka buhi nga Pacific octopus kon kugita ang wala magdahom nga iya gyong makuha ang atensyon nga gusto niyang ma-ani sa iyang vlog.
Kini dihang wala niya damhang mupilit diay sa iyang dagway ang marine creature gamit ang iyang mga suckers rason nga nakasinggit gyod intawon sa tumang kasakit ang babayeng naila sa iyang vlog nga “seaside girl Little Seven” diha sa sikat nga Chinese video platform nga Kuaishou.
Nasayrang plano diay unta niyang ka-unon nga buhi atubangan sa camera ang kugita kondiin makita sa video ang pagsugod na og tabang sa maong mananap diha sa iyang nawong.
Kalma pa niyang na-asuy sa sinugdanan ang pagtapot na sa kugita diha sa iyang nawong adiser niya nareyalisar nga lisod diay kining tangtangon gikan sa iyang dagway.
Duna pa’y higayon nga daw matangtang na ang panit sa iyang aping dihang iya kining gipugos pagtangtang rason sa iya nang pagsinggit tungod sa kasakit. Sigon ni cephalopod expert Dr. Jennifer Mather, usa ka professor sa psychology sa University of Lethbridge sa Alberta, ang usa ka kugita, maka- anticipate sa sakit, lisod og puno sa stress nga sitwasyon nga kaya nilang dumdumom.
Wala masayod ang maong babaye sa sangputan sa iyang gihimo og insigida daling nag-viral ang video sa China, ilabina nga gi-share na kini sa western social media.
