BUTUAN CITY  – Gihikay na ang kasong ipasaka batuk sa gika-ingong Barangay Campaign Manager kon BCM sa pulitiko human kini na-aresto atoll sa gi-implementar nga search warrant Purok 4, Brgy. Canaway sakop sa lungsod sa Kitcharao, Agusan del Norte sa nakalabay nga buntag.

Naila ang nadakpan nga si Alfonso Baswel Corminal,  kanhi kapitan sa maong barangay, ug gikaingong BCM sa usa ka wala na panganling pulitiko.

Sa gihimong operisyon sa hiniusang puwersa sa Provincial Intelligence Branch kon PIB-Agusan del Norte ug Kitcharao Municipal Police Station, nakuha sulod sa panimay sa suspek ang usa ka eksplosibo, punto 45 nga pistola, ug upat ka mga buhing bala.

Paglapas sa Republic Act No. 10591 kun Comprehensive Firearms and Ammunition ang kasong atubangon sa suspetsado.