BUTUAN CITY – Usa ka grupo sa mga magtutungha sa Vietnam ang nag-imbento og air-filtering device alang sa mga bisikleta aron dili na nila kinahanglan pang magsuot og face masks aron lang makalikay sa polusyon sa higayong mubiyahe sila padulong sa tunghaan.
Na-abtan og 6 ka buwan ang 3 ka managhigalang gikan sa Thang Long Gifted High School sa Da Lat City sa pagdisenyo sa ilang imbensiyon.
Nakaposisyon sa handlebar o manubela sa bisikleta ang air filter, nga gilangkuban sa buwak ug activated carbon nga mosalo sa abog.
Duna pa kini’y air filter sa gamay nga bentilador nga magbuga og limpyo nga hangin diha sa nawong sa siklista.
Sigon sa mga pagsusi, mu-abot sa 86 porsiento sa abog og 63 porsiento sa nitrogen oxide ang kayang salaon sa imbensiyon gikan diha sa hangin.
Nagtoo usab ang physics teacher sa mga imbentor nga si Phan Gia Sam nga epekti-bo ang imbensiyon sa iyang mga magtutungha.
