BUTUAN CITY – Gipagawas na ni Police Regional Office kon PRO-13 director P/Brigadier General Gilberto DC Cruz ang hulagway sa suspek sa pagpangdunggab-patay sa commentator sa DXJM radio nga si Francis Patindol.
Gi-awhag ni PBGen Cruz ang katawhan nga itaho gilayon sa pinakaduol nga police station ang nahimutangan sa suspek nga si Ulating Macarampat Barapangcat alyas Ola Saransamen – usa ka dispatcher sa mga de pasaheruang multicab kinsa daling misibat human sa kremin.
Gimanduan na sa opisyal ang Butuan City Police office nga aksyunan gilayon ang pagpanunggab nga natigayon pasado alas-10:30 kagahapon sa buntag may Narra Road corner JC Aquino Avenue.
Naigo sa walang bahin sa iyang dughan ang biktima apan namatay ra gihapon samtang gitambalan sa usa ka pribadong ospital ning siyudad.
