BUTUAN CITY – Kasong grave scandal nga ipasaka batuk sa 7 ka mga lalaking nagbinastos sa tiilan sa tulo ka kuros nga maoy utlanan sa via crucis sa may Sitio Mahayahay, Brgy. Anticala ning syudad sa Butuan.
Mahinumdumang gibastos sa maong grupo ang lugar nga venue sa Panaad 2019 ugmang adlawa kondiin ang usa kanila naghubo og brief rason nga amag kaayo ang iyang manoy samtang gitabunan og t-shirt ang iyang dagway.
Laing usa ang mipa-ubos sa iyang pantalon dayong tuwad og naklaro ang iyang sampot samtang lain pang usa nga nagtalikod ang mipa-ubos usab sa iyang pantalon rason usab nga nakita ang gisuot niining brief.
Sigon n i Police Captain Henry Samillano, hepe sa Butuan City Police Station-4, pursigido si Brgy. Kapitan Antonio Masamayor nga kasuhan ang maong grupo ilabina sila Jimboy Buling Andojoyan, 24-anyos og Lodimar Golani Herbojino, “alias Pimang”, 26-anyos, parehong mga ulitawo og residente sa P-3, Brgy. Anticala.
Damay usab sa kaso ang mga ka-ubanan nilang sila Jody Dandanon, 20-anyos; Efren Cabiguin, 21-anyos; Emilio Egom, 21-anyos; Ariel Ego og Johans Malaque, 20-anyos.
Samtang gikumpirma usab ni Kapitan Antonio Masamayor nga dili mga deboto Katoliko ang maong mga indibidwal kinsa aminadong balewala lang kanila ang ilang gihimo dayong pangayo og dispensa.
