BUTUAN CITY – Malipayong gibisita sa Butuanong kandidata sa Bb Pilipinas 2019 nga si Dia Nicole Mancao-Magno ang Bombo Radyo Butuan aron ipaabot ang iyang pagpasalamat sa suportang gihatag niini ngadto sa iyang Bb Pilipinas journey.
Mi-apela usab siya sa tanang mga tigpaminawan nga i-ampo siya sa iyang tinguha og suportahan usab.
Iya usab nga gidayeg ang kababayen-an ilabina kadtong nakadawat og mga negatibong pamahayag sa mga gusto nila sa kinabuhi nga himuon kining inspirasyon aron makab-ot ang ilang gidamgo.
Gihimo pa niyang pananglitan ang iyang kaugalingon kinsa nagtuong diha lang siya kutob sa pa-ugnat sa kusog apan dihang iyang gisulayan ang pagsulod sa beauty pageant uban sa paningkamot nga mugamay ang timbang, iyang nakab-ot ang iyang birthday wish human nga mi-abot sa 65-libras ang nakuha sa iyang timbang.
