BUTUAN CITY – Hilabihan ang pagbasol sa usa ka roomboy sa usa ka lodging house ning siyudad sa Butuan human niya gipatulan ang babayeng customer nga nasipyat sa pagsulod sa iyang kwarto og nag-una-una sa pakighilawas kaniya.
Gisaysay sa gireklamong si Albert Caerlang nga taga-Alegria, Surigao Del Norte, nag-check in ang mag-uyab samtang siya mipahulay sa tapad nga kwarto tungod kay 24-oras man siyang nag-duty.
Apan wala magdahom ang roomboy nga miable sa kwarto ang babaye nga diay nasipyat ug balik sa ilang kwarto human nag-CR.
Gi-lock matud pa iyang kwarto sa maong babaye ug didto gipa-ulanan siya ug halok og tungod kay lalaki, natintal siya sa lawasnong kalipay ug nabirahan gayud ang babaye.
Dinhi na siya migawas sa kwarto ug misunod ang babaye nga niadtong higayona nakamatngon na nga dili iyang uyab ang iyang nakadulog ug nasaag kini sa pagsulod rason nga mireklamo ang babaye ngadto sa tag-iya nga diin nabugahan gayod siya sa kainit sa ilang gihimo.
Tungod sa kahadlok, mipa-uli siya sa lungsod sa Alegria ug didto na misurender sa ilang municipal police station og gikuha gilayon siya sa kapulisan ning siyudad.
Gipamugos sa gireklamo nga wala niya gi-rape ang babaye hinoon natintal lang kini sa pag-una-una matud pa og romansa ngadto kaniya apan bisan paman, nangayu gihapon siya ug pasaylo sa maong babaye samtang kini tingkagol na sa karsel sa bilangguan.
