BUTUAN CITY -Nawad-an na usab og supporters ang kumunistang New People’s Army kon NPA human sa laing barangay na usab sa Loreto, Agusan del Sur ang mideklara sa mga niini nga Persona Non-Grata.
Sa gipahigayong special session nga gihimu niadtong Marso 29, ang Special Brgy. Ilang- ilang nga gipangunahan ni Brgy. Capt. Artemio Subla, nagpalabang og Brgy. Resolution No. 002 nga nagdeklara sa CPP- NPA og mga ka-alyado niini og front organizations nga dili welcome sa ilang kumunidad.
Ang Special Brgy. Ilang- ilang ang dugay nang gikonsidera sa CPP-NPA nga ilang usa sa mga strongholds sa Loreto. Apan tungod sa propaganda sa kumunista, pagpangikil og pagpatay sa npa nga naghatag og kahadlok sa mga residente, nagdisesyon ang mga lumolopyo nga mosuporta sa disesyon sa barangay officials nga mobarug batuk sa CPP-NPA ug mga ka-alyado niini.
Gisuportahan usab kini ni Loreto Mayor Ligaya Otaza. Gi-aprubahan sa konseho ang maong barangay resolution human sa pipila ka batch sa kanhe rebelde sa maong lugar ang misurender sa tropa sa gobyerno. Bag-ohay lang, 200 ka local nga residente ang pormal nga nanumpo sa ilang pakig-unong sa gobyerno ug isalikway ang rebelding grupo.
Sumala pa ni Datu Mandabon Neciforo Asuncion, tribal leader sa maong dapit, kinahanglang undangon na sa kumunidad ang paghatag og suporta sa NPA kansa ang presensiya naghatag ug miserable sa ilang kinabuhi.
Samtang sa kabahinan ni LTC ROMEO C JIMENEA, Battalion Commander sa 26th Infantry Battalion, Philippine Army, gipahayag niining ang ilang tropa kauban ang local government unit og hingtungdang ahensiya, ang nagpabiling partner sa kalinaw ug kalambuan sa kumunidad.
Gidugang pa sa opisyal nga padayon usab nga gipatuman sa gobyerno ang mga programa sama sa Enhance Comprehensive Local Integration Program kon ECLIP alang sa mga miyembro sa NPA nga mubalik sa sabakan sa balaod. Kung mahinumduman, gideklara usab nga persona non grata ang NPA sa Barangay San Pedro, San Luis, Agusan Del Sur
