BUTUAN CITY – Andam hatagan og seguridad sa Butuan City Police Office ang taga-Securities and Exchange Commission kon SEC nga mupatuman sa ilang kamanduan batuk sa Kabus Padatoon kon KAPA International Community Ministry Incorporated.
Kini ang gipaneguro ni Butuan City Police Director P/Col. Alberto Magno dihang gikuhaan og update sa kamanduang gipakanaog sa SEC kansa nag-deputize kanila uban sa taga-NBI og local government unit kon LGU aron ipahunong na ang investment scam sa maong grupo.
Sigon ni Police Col. Magno, nagpagawas na siya og memorandum kansa nag-awhag sa iyang ginsakupan nga likayan ang paghatag og donasyon ingon man pag-invest sa KAPA tungod sa kwestyunableng operasyon niini.
Aminado siyang duna’y iyang mga sakop nga mihatag og donasyon sa KAPA apan wala matud pa sila’y legal nga basehan aron pugngan ang mga pulis nga gustong mu-apil niini.
