BUTUAN CITY – Gilantaw na sa Philippine Drug Enforcement Agency kon PDEA-Caraga ang posibilidad nga dalhon sa ubang nasud ang 77 ka mga bloke sa cocaine nga narekober sa kadagatan sa Dinagat Islands og sa Surigao del Norte provinces.
Kini tungod sa mga foreign signs nga nakasulat sa mga niini nga posibleng senyales nga naka-agi lang ang nagkarga niini sa kadagatan sa Pilipinas.
Sigon ni PDEA-Caraga regional director Aileen Lovitos sa eksklusibong pakighinabi sa Bombo Radyo Butuan, ang unang batch sa 37 ka bloke sacocaine nga napalgan sa lungsod sa Cagdianao, Dinagat Islands province duna’y nakasulat nga 3B Bugatti nga daw duna’y koneksyon sa mga pulong nga gikan sa Italya.
Samtang ang ikaduhang batch usab sa 40 ka bloke sa cocaine nga napalgan sa kadagatan sa lungsod sa San Isidro, Surigao del Norte, duna’y dollar sign nga posibleng sa Estados Unidos ipadala.
Mas mikusog ang ilang pagdudang dili kini alang sa Caraga Region sa tungod kay dili man iladong cocaine-consuming ang mga Filipino rason sa pagpadayon pa sa ilang imbestigasyon. (Beth Ruiz)
