BUTUAN CITY – Natanggong na karon sa Amas Jail sa KidapawanCity, Cotabato ang usa matud pa sa mga responsable sa pagdagit-patay kang Loreto, Agusan del Sur Mayor Dario Otaza og sa anak niining si Daryl gikan dinhi sa dakbayan sa Butuan niadtong 2015.
Sa exclusive interview sa Bombo Radyo Butuan, gipadayag ni P/Sr. Supt. Benito Rutia – hepe sa kapulisan sa lungsod sa Midsayap, Cotabato, ilang nadakpan ang suspek nga si Alder Clauta, lumad nga taga-Bayugan City, Agusan del Sur og temporaryong nagpuyo sa Brgy. Agriculture sa Midayap, human ang gilusad nilang hot pursuit operation humankini nakapusil-patay.
Nakuha gikan sa iyang posisyon ang usa ka 9mm pistol og migawas sa ilang tactical interrogation nga nakuha sa suspek ang maong armas gikansa usa ka pulis-Caraga nga ila matud pang gidagit sa Agusan del Sur kondiin apil na niini ang wala pa panganling mayor sa maong lalawigan.
Gikumpirma usab kini sa Caraga Regional Investigationand Detective Management Division kon RIDM sa Police Regional Office kon PRO-13 og makonsidera nang prima fasci evidence sa posibleng kalambigitan niini sa pagpatay kang Mayor Otaza. (Beth Ruiz)
