BUTUAN CITY – Magdsuo si Senate President Francis “Chiz” Escudero og sugyot balaodnon nga magbabawal sa mga paryente sa opisyal sa gobyerno nga mamahimong supplier o contractor sa mga proyekto sa pangamhanan.
Kini may kalabutan sa tipik sa pamahayag ni Pangulong Ferdinand Marcos Jr. sa State of the Nation Address (SONA) niini diin gipaigo sa Presidente ang mga opisyal sa pangamhanan nga maulaw usab sa mga palpak nga flood control projects.
Sumala ni Escudero nga gipapa-draft na niini ang maong balaodnon ug mohanyo matud pa kini nga malakip sa priority bills sa Legislative-Executive Development Advisory Council kon LEDAC.
Sumala niini nga klaro matud pang dunay conflict of interest, kurapsyon, ug dili hustong paggasto sa pundo sa pipila ka mga proyekto, rason nga angayan lang nga dili na kini tugotan pag-usab. Sumala pa sa Senador nga kung ang mga abogado nga mosulod sa politika, dili naman gani ipadayon ang ilahang propesyon, samot na matud pang i-bawal sa mga mambabalaod nga ipadayon pa ang pagka-kontratista ug supplier, ilabi na nga parte kini sa panggamhanan.
Ang pamahayag ni Senate President Francis “Chiz” Escudero.
