BUTUAN CITY – Mi-abot sa dul-an 95-milyunes pisos ang natunol nga presidential assistance ni Pangulong Ferdinand Macos Jr. ngadto sa probinsyal nga panggamhanan sa Agusan del Norte, Surigao del Sur ug Dinagat Islands apil na sa city government sa Butuan.
May kalambigitan gihapon kini sa distribusyon sa residential Assistance to Farmers, Fisherfolk and their Families kon PAFF tungod sa nasinatiang El Niño phenomenon.
Sa Agusan del Norte, mi-abot sa 28-miyhunes, 260-mil pisos ang gidawat ni Governor Angel Amante samtang 10-milyunes, 570-mil pisos usab sa Surigao del Sur; 10-miyunes pisos sa Dinagat Islands province ug 46-milyunes pisos dinhi sa Butuan City.
Nanghinaut ang pangulo nga pinaagi sa nasangpit nga ayuda, ma-abagan ang panginabuhian sa tanang mga na-apektuhan tungod sa El Niño phenomenon.
