BUTUAN CITY – Gikumpirma sa health ministry sa Gaza kansa gipadagan sa Hamas nga dili mu-ubos sa 90 ka mga Palestino ang patay sa Israeli air strike sa usa ka designated humanitarian area samtang laing 300 ang angol.
Sigon sa health ministry, target sa pagpangatake sa Israel si senior Hamas leader Mohammed Deif ug ang iyang deputy nga si Rafa Salama.
Sa usa ka news conference, gipadayag ni Israeli Prime Minister Benjamin Netanyahu nga wala pa’y klaro kung napatay ang ilang target sa nasangpit nga airstrike nga mi-igo sa al-Mawasi area duol sa Khan Younis, kansa gi-designate sa Iraeli military isip usa ka humanitarian zone.
![](https://img.bomboradyo.com/butuan/2024/07/Netanyahu-.jpg)
Sigon ni Netanyahu, iyang gimando ang maong operasyon human gi-briefing sa iyang mga general security forces.
Gipadayag pa niining gusto niyang masayran kung wala ba’y mga hostages sa palibot ug kung unsa kadako ang collateral damage ingon man ang klase sa armas nga gigamit.
Misaad usab siyang papason ang tanang senior members sa maong grupo.