BUTUAN CITY – Anaa sa kinatibuk-ang 90 ka mga kanhing membro sa New People’s Army (NPA) sa Surigao del Sur ang ningbalik na sa sabakan sa pangamhanan human sa pila ka tuig niining pakigbisug sa kabukiran.
Kini atul sa gihimong Former Rebels Embrace Transformation Journey sa Surigao del Sur kagahapong adlawa, Oktubre 30, diin giprenisinta ang mga friends rescued sa managlahing receiving units sama sa 36th Infantry Battalion, 29th Infantry Battalion, 75th Infantry Battalion ug sa 3rd Special Forces Battalion kon SFB sa Philippine Army ug sa Philippine National Police kon PNP, asa bitbit sa mga niini ang 38 ka mga managlahing dekalibreng armas.
Sumala ni 401st Philippine Army Brigade spokesperson Capt. Art Jayson nga dunay uban sa maong mga FR’s nga ning nakalabayng tuig pa na rescue, ug ang uban, ning bulana lamang. Gikatakda matud pang ma-enroll ang nasangpit nga mga friends rescued sa Enhanced Comprehensive Local Integration Program (ECLIP) diin madawat sa mga niini ang mga managlahing tabang gikan sa pangamhanan isip pasukaranan niini sa malinawong panginabuhian.
Saysay sa maong opisyal nga sa tantong gukod sa mga kasundalohan sa maong mga kanhing rebelde, gikapoy na ang mga niini rason sa ilahang pag tahan sa sabakan sa gobyerno, ilabi na nga gawas sa ilahang pamilya nga ania sa ubos, wala na usab silay laing maduolan. Alayon niini, gipaningkamotan usab sa mga kasondalohan nga taman ning tuiga, mo surrender na ang tanang naglihok sa walhong grupo.
Ang pamahayag ni 401st Philippine Army Brigade spokesperson Capt. Art Jayson.
