BUTUAN CITY – Mitala sa 9 ka tawo nga patay og 33 ang angol human gitirohan sa gidudahang militante ang bus nga sakay ang mga Hindu pilgrims sa Indian federal territory nga Jammu ug Kashmir.
Sumala sa usa ka opisyal nga nawad-an og control sa manibela ang drayber human kini gi-atake rasong natagak sa pangpang ang sakyanan.
Human sa gihimong rescue operations, gilusad na usab ang search operation sa kasundaluhan og kapulisan sa India aron maaresto ang mga suspetsado.
Sigon ni Manoj Sinha, usa ka top administrator, nga nakatutuk si Prime Minister Narendra Modi sa panghitabo diin gipaneguro nga mahatag ang pinakamaayong pag-atiman sa mga na-angol.
Gi-anunsiyo usab ni Sinha ang kompensasyon nga madawat ngadto sa kabanay sa namatay nga muabot sa 1-million rupees og 50-mil rupees usab sa mga na-angol.
Nasayran nga ang bus padulong unta sa base camp sa sikat nga Hindu shrine sa Mata Vaishno Devi sa dihang kini gi-atake.
Wala pay miangkon nga maoy responsable sa pag-atake apan sigon ni Mohita Sharma, district police chief nga ang mga militante ang mi-ambush sa sakyanan.
Sumala sa usa sa mga nasamdan nga gitirohan ang drayber sa bus og wala miundang sa pagbanhig ang mga militante bisan og natagak na sa pangpang ang bus.
