BUTUAN CITY – Mibaha ang pagdayeg para sa Pinoy chess prodigy nga si Bince Rafael Operiano diha sa social media human kini midaug sa 6th Eastern Asia Youth Chess Championship nga gihimo sa Thailand.
Apan wala nahimong sayun ang iyang gi-agian adiser maka-abot sa kumpetisyon ug adiser nailhan tungod sa iyang kadaugan.
Sigon ni Albay 3rd District Rep. Fernando Cabredo, tulo ka adlaw nga natulog sa airport ang 9-anyos nga chess master kauban ang iyang amahan samtang nagpaabot sa plane ticket nga gi-sponsor sa Philippine Sports Commission.
Tungod kay wala pay ticket ang iyang amahan, miuna nalang og lupad ang anak padulong sa Thailand.
Ang iyang amahan nga si Ben Operiano, usa ka security guard, nagkinahanglan pang mag-raise og pondo aron makasunod sa iyang anak.
Nasayran nga siya usab ang nagtudlo sa iyang anak sa chess isip ilang kalingawan.
Miabot sa Thailand ang 9-anyos nga bata nga walay coach, walay team og wala pa ang iyang amahan.
Naka-apektu kini sa iyang performance diin sa unang dula napildi siya tungod sa tataw nga kini gikulbaan.
Apan sa pag-abot sa amahan duha ka adlaw sa kompetisyon, daw nakampante na kini og gidomina ang 28 ka mga players gikan sa nagkalain-laing nasud aron mahimong kampiyon sa iyang kategorya.
