9-anyos nga batang babaye, kritikal human gikulata sa iyang ama-ama sa Agusan Del Sur

BUTUAN CITY – Anaa karun sa kritikal nga kondisyun ang usa ka batang babayeng 9-anyos human kini gikulata sa iyang step-father sa Purok-5, Barangay Del Monte sa lungsod sa Talacogon, Agusan Del Sur.

Giila lang ang batang biktima nga si alyas Diding samtang ang suspek mao si Bulam Kembriya, 42-anyos, nga residente sa maong dapit.

Nasayrang misumbong sa Talacogon Municipal Police Station ang apohan sa biktima nga si Ernita Estrilla diin gisaysay niining gamay lang ang sala sa bata apan gikulata kini sa iyang ama-ama.

Na-grabehan ang bata nga daling gidala sa Davao Regional Center samtang padayon nga gipangeta ang suspetsado nga daling misibat human sa hitabo.