-- ADVERTISEMENT --
BUTUAN CITY – Misaad ang lokal nga kagamhanan sa Loreto, lalawigan sa Agusan del Sur nga ayuhon sa labing daling panahon ang nahugno nga hanging bridge nga nagkutay sa Brgy. Santo Tomas ug Brgy. Magaud human kini gidagsa sa daghang mga tawo.
Makita sa video ni Jon Valer ang pipila ka mga tawo nga nag-iyahay og kupot sa tulay samtang ang uban, milangoy padulong sa kilid sa suba aron lang maluwas.
Mi-abot sa siyam ka mga indibidwal ang angol sa nasangpit nga insidente.
Nasayrang anaa pa sa completion stage ang maong hanging bridge ug tungod sa pagtaas sa level sa tubig sa suba, rason nga daghan ang nangagi niini.
