BUTUAN CITY – Ning kabat na sa 88 milyones ang gidaghanon sa mga Filipino nga nagparehistro ubos sa Philippine Identification System (PhilSys) ID o national ID. Una nang gitakda sa gobyerno ang gidaghanon nga 92 milyones nga magparehistro sa maong ID.
Sumala ni Deputy National Statistician Fred Sollesta, ang maong gidaghanon, makab-ot ra sa dili madugay pinaagi sa padayon nga pagduol sa ilang pagserbisyo sa mga katawhang Pilipino.
Gikan sa maonfg ihap nga dul-an sa 88 milyones, moabot na sa 51.5 milyones ka mga physical card ang nahatag o napadala sa mga tag-iya samtang tulo ka milyon usab ang kasamtangang gihatod pa ngadto sa mga tag-iya. Sa pagkakaron adunay 25 ka digital versions o IDs nga mahimong i-print sa mga registration center sa ahensya.
