BUTUAN CITY – Ipadayon ugmang adlawa, Hunyo 25, ang pagbasa sa giduso nga sugyot-balaodnon sa plenaryo sa Sanguniang Panlungsod sa Butuan, kansa maghatag og financial assistance sa mga insulating witnesses sa Anti-illegal drug operations.
Sumala ni Dindo Abellanosa, tigpamaba sa Philippine Drug Enforcement Agency kon PDEA-Caraga sa pakighinabi ning sibyahan, nga tubag ang maong ordinansa sa dugay nang problema sa mga otoridad, kansa mao ang ka-walay kwarta sa mga mobarog isip witness sa mga anti-illegal drugs operation.
Sayrang dili lamang mahuman ang papel sa mga witness atul sa pagdakop sa mga drug suspect, apan kinahanglan usab kini sila nga motunga ugaling ipatawag sa mga buhatan sa pangamhanan sama sa Office of the Prosecutor, sa korte, ug uban pang mga ahensya nga may kalabutan sa kaso nga gi-saksihan niini.
Subay ni Abellenosa, usahay dili makatunga ang mga witness sa kinahanglan niining tambungan mahitungod sa kaso tungod sa ka-walay kwarta niining pang-gasolina o kaha, pamilete. Kahibaloan nga kaugalingong gasto lamang sa mga witness ang ginagamit niini sa tanang lakaw isip saksi.
Dugang sa opisyal nga dili pahalipay ang nasangpit nga salapi, kundili reimbursement kini sa ilahang nagasto arun lang mo barog isip saksi.
Anaa usab nakalatid sa maong sugyot-balaodnon nga bisan kon ugaling dili magmalampuson ang operasyon, hatagan gihapon sa maong kompensasyon ang mga saksi.
Nakalatid sa Republic Act No. 9165 kon Comprehensive Dangerous Drugs Act of 2002 Section 21, nga ugaling dunay himoong anti-illegal drug opperation, kinahanglang dunay mosaksi nga gikan sa Media, representante sa Department of Justice (DOJ), ignon man elected official.
Ugaling mahimong ordinansa, kini na unya ang pinaka-unang balaod sa Pilipinas nga mo-reimburse sa mga insulating witnesses sa anti-illegal drug operations.
