BUTUAN CITY – Gibana-banang muabot sa 800-mil pesos ang kantidad sa ilegal nga drugas ang nakumpiska sa gikasang buybust operation kaganinang alas 3:30 sa hapon sa may Purok 3, Brgy. Poblacion. Trento, Agusan del Sur diin duha ka mga Ginang ang nadakpan.
Gihimo ang operasyon sa ginsakupan sa Philippine Drug Enforcement Agency kon PDEA-Surigao Del Norte inubanan sa Agusan Del Sur Police Provincial Office, Dinagat Island Police Provincial Office og Trento MUnicipal Police Station.
Naila ang nadakpan nga sila Amicar Matrido Flores, 40-anyos, og Vivian Carreon Cagabhion, 47-anyos parehong menyu nga taga Davao. Nakumpiska gikan sa duruha ang 5 ka heat-sealed transparent plastic sachets sa gitoohang shabu nga mitimbang og 50-gramos.
Lakip sa nakuha ang usa ka one thousand pesos nga nagsilbing marked moneyog 249 ka book nga usa ka libo ka pesos nga boodle money, duha ka unit sa cellphoneo og mga identification cards.
Mag-atubang ang duruha og kasong may kalapasan sa Section 5, Article II sa RA 9165 o ang “Comprehensive Dangerous Drugs Act of 2002”.
