BUTUAN CITY – Ningsaka na sa 866,483 ka mga indibidwal ang apekado sa kasamtangang daot nga panahon sa nasod. Samtang laing pito usab ang namatay tungod niini.
Sumala s amga otoridad nga pito na ang mga nakutloan sa kinabuhi tungod sa maong daot nga panahon, samtang duna pay usa ka missing.
Resulta kini sa nagpadayon nga hanging habagat ingon man sa mas ning kusog pa nga bagyong Carina lakip usab sa nakalabay ning labay nga bagyong Butchoy.
Sumala sa datus sa National Disaster Risk Reduction and Management Council kon NDRRMC, bugti ang maong ihap sa 179,744 ka mga pamilya sa tibook nasod.
Gikan usab kini sa 642 ka mga barangay sa rehiyon sa MIMAROPA kon Mindoro, Marindoque, Romblon, ingon man sa Palawan; Regions 6, 7, 9, 10, 11, 12, CARAGA, ug lakip na usab sa Bangsamoro Autonomous Region in Muslim Mindanao kon BARMM.
Sa kasamtangan, anaa pa sa 57 ka mga evacuation centers nagpasilong ang anaa sa 33,645 ka mga indibidwal, kon bugti sa 7,738 ka mga pamilya.
Gipaniguro usab sa pangamhanan nga padayon pa ang ilahang pagpanghatag og mga hinabang, diin anaa na sa kinatibuk-ang P29-M ang napangapud-apod ngadto sa mga biktima.
