BUTUAN CITY – Pabalik na sa Metro Manila ang muabot sa 80 ka bus nga maoy naghatud sa mga Mindanaoans nga Locally Stranded Individuals kon LSIs isip kabahin sa Hatid Tulong initiative diin dunay dakong suporta niini si Governor Singson.
Kagabii, mihunong ning siyudad ang wala nay kargang mga bus aron magtubil human usab hingpit nga nahatud sa nagkadaiyang LGUs ang ilang sakay nga muabot sa halos 2-mil ka indibidwal.
Sa pakighinabi ning sibyahan sa drayber nga Richard Fernandez, gipahayag niining kapin sa 4 ka adlaw ang ilang biyahe gikan sa Manila diin ang matag-bus dunay sakay nga 20 ka indibidwal.
Sumala pa ni Fernandez nga adiser paman ang makasaka sa bus ang indibidwal, kinahanglan kining mag negatibo sa rapid testing.
Nakig-alayon usab ang kadumalahan sa maong inisyatiba ngadto sa nagkadaiyang lokal nga kagamhanan diin nasabutan nga sa matag checkpoints dunay itunol silang pagkaon aron sa ingon dili na monaog aron mopalit ug pagkaon ang tanang sakay.
Giklaro usab niini nga magkuha na usab sila ug estranded sa kauluhan aron ilang ihatud sa tagsa-tagsa nila ka probinsiya.
