BUTUAN CITY- Walo ka katawo ang patay samtang duha ang angol human sa kusog nga pagbuto sa tindahan sa pabuto sa Jiangsu Province, China, atol sa preparasyon sa pagsalubong sa Lunar New Year.
Sumala sa mga imbestigador, nagsugod ang kalayo sa sulod sa establisimyento nga nagbaligya og daghang klase sa paputok ug mibalhin kini sa ubang parte sa tindahan, hinungdan sa dakong kadaot ug pagkawala sa kinabuhi.
Tradisyon na sa China ang pagsiga og paputok matag Lunar New Year, apan sa ubang probinsya ginadili kini tungod sa polusyon sa hangin ug risgo sa kalayo.
Sa kasamtangan, gipadayon sa mga otoridad ang mas lawom nga imbestigasyon aron masuta ang hinungdan sa insidente ug aron mapaligon pa ang mga regulasyon sa pagpamaligya ug paggamit sa paputok.
