BUTUAN CITY – Milansang na sa walo katawo ang namatay samtang usa ang samdan human masunog ang residential area sa Barangay San Isidro, Quezon City.
Sumala sa Bureau of Fire Protection (BFP) nagsugod ang sunog sa tulo ka andana nga dakbalay nga gipanag-iyahan sa usa ka Ruth Capili pasado alas 2:02 kagahapon sa buntag.
Nadeklarag under control ang nasangpit nga sa 2:26 sa buntag og kini hingpit nga naapula ang sunog sa alas 2:48 sa buntag..
Ang mga biktima gilangkuban sa duha ka 34-anyos nga babaye, usa ka 29-anyos nga lalaki, usa ka dos-anyos nga lalaki, 20-anyos nga babaye, 40-anyos nga lalaki, 12-anyos nga lalaki ug 15 anyos nga babae.
Nailhan usab ang nasamdang biktima nga si Jophel Samosa, 36-anyos nga gidala sa ospital.
Muabot sa 3.6 milyones pesos ang gibana-banang kantidad sa damyos sa nasangpit nga sunog. Nagpadayon pa gihapon ang gihimong imbestigasyon sa BFP sa nasangpit nga insidente.
