BUTUAN CITY – Malampusong naluwas sa milabay nga fishing vessel nga gi-operate ni Sonny Mar Escalante ang walo ka mga local tourists nga gikan sa Metro Manila pg ning siyudad sa Butuan apil na ang duha ka mga 2 pumpboat crews dihang palunod na unta ang ilang gisakyang tourist boat nga MB DSWD Sohoton.
Nasayrang nabu-ak ang wooden hull sa pumpboat human na-igo sa mga dagkong balud sa may Point Li-og Li-og, Barangay Taruc, lungsod sa Socorro, Surigao del Norte.
Naila ang mga survivors nga sila Mary Tan, 40-anyos, minyo, residente sa Paco, Manila; Felipe Potol, tour service provider, 40-anyos, ulitawo, residente ning siyudad sa Butuan; Celine Cabalit, 33-anyos, dalaga, residente sa Manila; Jeff Dionesio, 22-anyos, ulitawo, residente sa Pasay City; Shaira Mae Zacarias, 21-anyos, dalaga, residente sa Makati City; John Asher Maramara, 33-anos, ulitawo; Iya Macarion, 24-anyos, dalaga; Desiree Pore, 21-anyos, dalaga parehong mga residente sa Manila. Naluwas usab ang mga boat operators nga sila Ringky Escalante, 40-anyos, minyo og April Jay Liray, 19-anyos, minyo, parehong residente sa Sudlon, Socorro, Surigao del Norte.
Sigon ni MDRRMO Weldelito Ramirez, nagbiyahe ang nasangpit nga mga turista gikan sa Sohoton Cove ngadto na sa General Luna sa Siargao. Gidala ang mga survivors ngadto sa Socorro Feeder Port alang sa medical check up nga gihimo ni Dr. Paul Repolana. (Beth Ruiz)
