BUTUAN CITY – Nag-bilin og 8 ka mga tawong samaron samtang usa usab ang nawala sa northern Luzon ang bagyong Julian.
Sa datus sa National Disaster Risk Reduction and Management Council (NDRMMC) kagahapong adlawa, Miyerkules, gikataho sa ahensya nga ang na-missing nga indibidwal kay usa ka 38-anyos nga lalaki nga taga Barangay Cabcaborao sa lungsod sa San Juan sa probinsya sa Abra human kini naanod sa kusog nga sulog sa tubig sa Tineg River.
Samtang ang walo ka mga tawo nga naangol natala usab sa Basco, Batanes kansa gikusokuso sa kusog nga hangin ug ulan dala sa bagyo. Sumala sa ahensya, kapin sa 43,000 ka pamilya o kapin sa 149-mil ka mga indibidwal ang apektado sa paghapak sa maong bagyo sa Ilocos region, Cagayan valley, ug Cordillera region.
Nikabat usab sa 88 ka mga balay ang nangaguba sa Ilocos Norte, Ilocos Sur, La Union, Cagayan, Abra, Benguet, Ifugao ug Mountain Province. Gilaumnan usab nga subling mo balik sa Philippine Area of Responsibility ang maong bagyo unyang gabie.
