BUTUAN CITY- Gibutyag ni Senate President Pro Tempore ug Blue Ribbon Committee chair Panfilo “Ping” Lacson nga bukas gihapon ang komite nga paminawon ang 18 ka indibidwal kansa nagpa-ila nga kanhi mga sundalo kansa gi-ingong nagdeliver sa P805-bilyon nga kickbacks gikan sa flood control projects sa pipila ka taas nga opisyal sa gobyerno sa mando ni kanhi Congressman Elizaldy Co, apan gipasiugda ni Lacson nga kinahanglan una nilang usbon ug klarohon ang ilang mga affidavit aron mahimong mas katuohan.
Giklaro pa niini nga kung ang mga nag-unang pamahayag sa grupo sulod sa “realm of possibilities” o katuohan, dugay na unta nilang na-imbitaran sa komite aron motingog sa hearing.
Gani, dili sarado ang pultahan sa Blue Ribbon sa 18 ka indibidwal, ang kinahanglan lang matud pa mao ang i-husto ang ilang pamahayag aron dili mahimong gubot ang hearing.
Gitumbok usab sa senador ang nag-unang alegasyon sa grupo nga ming-abot sa P805 bilyon ang kinatibuk-ang cash nga gipangapod-apod isip kickbacks gikan sa mga flood control projects sa tag-as nga opisyal sa gobyerno lakip nasi kanhi House speaker Martin Romualdez.
Matud pa sa senador, nga kon matul-id ug mapadu-ol sa realidad ang ilang mga pamahayag, andam kini nga magpatawag og pormal nga hearing aron paminawon ang ilang testimonya.
