BUTUAN CITY – Ipa-ilalom pa sa laboratory analysis sa Bureau of Customs kon BOC Central Offrice ang walo ka drums nga duna’y wala pa masutang kemikal o liquid kansa na-intercept duol sa usa ka pribadong pantalan sa Brgy. Taganito, lungsod sa Claver, Surigao del Norte.
Sigon ni Atty. Joseph Romano – supervisor sa Bureau of Customs-Surigao del Norte, napalgan ang maong mga drums sa premises sa THPAL jetty nga duna’y sulod nga yellowish liquid kansa gitu-uhang palm oil.
Migawas sa beripikasyon sa mga Customs officials pagpanguna ni district collector Ciriaco Ugay og mga customs officers, nga ang maong mga drums wala malista sa cargo manifest og sa stowage plan sa gikargahan niining barko nga MT Southern Narhwal.
Dali gilayong nag-isyu og warrant of seizure and detention si collector Ugay rason nga gikostudiya na nila kini sa ilang warehouse sa Surigao City. (Beth Ruiz)
