BUTUAN CITY – Nagpabilin pa sa talandugong kahimtang ang usa ka 8-anyos nga batang lalaki human aksidenteng napusilan sa iyang 5-anyos nga ig-agaw gamit ang de-bomba pasado alas-nueve kagahapon sa buntag sa P-2, Brgy. Balobo, Esperanza, Agusan del Sur.
Sigon sa inahan sa biktimang si Melba Kaki, gibilin lang nila sa payag sa iyang igsoon ang iyang anak og ang 5-anyos niyang pag-umangkon tungod kay nang-harvest sila og buwahan.
Nakita matud pa sa mga bata ang air gun dapit sa atop kansa gikatkat sa iyang anak og gitunol ngadto sa iyang pag-umangkon.
Giti-on matud pa kini sa midawat nga bata ngadto sa iyang anak diin aksidenteng nakablit rason sa pagka-igo niini sa likod hinungdan sa pagkalandig niini sa Butuan Medical Center.
Dugang pa sa inahan, gikatakdang i-refer sila sa laing human nga wala nakuha ang balang mi-igo matud pa sa atay og baga sa biktima dihang na-operahan gumikan kay mibalhin na matud pa kini.
Samtang padayon pa ang imbestigasyon sa kapulisan sa lungsod sa Esperanza, Agusan del Sur aron masubay ang tinuod nga dagan sa maong panghitabo.
Sigon ni Police Major Darwin Yu – hepe sa Esperenza Municipal Police Station, particular nilang tutukan ang gigikanan sa bala nga maoy gipasok sa de bomba.
Tungod kay exempted matud pa sa criminal liability ang batang suspek, ang iyang amahan nga maoy tag-iya sa de bomba matud pa ang ilang pasakaan og mga kasong reckless imprudence resulting to serious physical injury og illegal possession of firearms.
