BUTUAN CITY – Gi-angkon sa upat ka mga minor-de-edad nga batang lalaki nga gisundog lang nila sa video nga ilang ginatan-aw dinha sa internet ang paglugos nila sa 8-anyos nga batang babaye sa usa ka sapa sa hilit nga dapit sa dakbayan sa Toledo bag-ohay lang.
Ang mga mihimo sa paglugos nagpangedarong og 9, 11, 12, ug 15 anyos
Saysay pa sa inahan sa biktima nga niadtong tungura gidala matud pa ang iyahang anak sa sapa nga adunay distansya sa ilahang panimalay sa mga ig-agaw niini uban sa 12 anyos nga bag-ong nagpuyo sa ilahang dapit.
Gisugo matud pa sa 12-anyos ang iyahang mga kauban nga lugoson ang biktima samtang ang 9-anyos nga kaliwat ra usab sa biktima mao matud pa ang nag duwa sa iyang kinatawo samtang nag tan-aw sa gibuhat sa 11, 12 ug 15 anyos.
Human sa maong pagpanglugos sa mga walay buot nga mga bata ngadto sa usa ka 8-anyos nga batang babaye, misumbong ang 9-anyos nga lalake kansang nailhan nga ig-agaw kini sa maong biktima ngadto sa igsuon sa ilahang gilugos nga babaye.
Dinhe na nasayran sa inahan sa maong biktima ang maong panghitabo og midangop gilayon kini ngadto sa buhatan sa Toledo City Police Station.
Apan, igo na lang sa kasuko ang maong inahan, gumikan kay dili ma priso ang mga nanglugos gumikan mga menor-de edad pa kini, diin dili pa angayang mapasakahan og kaso, ug gi turn over na lamang kini sa Department of Social Welfare and Development ang maong mga nahisgutan.
Gumikan na sab sa maong insidente, naglusad gilayon og imbestigasyon ang mga sakop sa DSWD, diin gipatawag ang mga ginikanan sa mga menor-de-edad nga nanglugos og 8-anyos nga batang babaye.
Ug dinhe mitug-an ang tulo ka mga bata nga gisundog lamang sumala pa nila ang ilahang nakita gikan sa usa ka pornographic websites nga nagapaguwa og mga video nga adunay malaw-ay nga binuhatan.
