BUTUAN CITY – Tingkagol na sa bilangguan sa Taytay, Rizal, ang 40-anyos nga lalaking adik nga responsable sa paglugos-patay sa usa ka 8-anyos nga batang babaye kinsa gisulod sa sako.
Naila ang responsableng si Jaalmani Tapsil, duna’y usa ka anak nga babaye, abroad ang asawa ug residente sa Purok 5, Brgy. Sta Ana, sakop sa maong lungsod.
Saysay sa amahan sa biktimang si Rylai, nananghid lang ang iyang anak nga magdula sa tungod sa ilang balay niadto pang Septembre 11 ug wala na maka-uli pa
Dihang nagpatabang na sa mga pulis ang ginikanan sa biktima, nag-aliwaros matud pa ang suspetsado ug mitabang kunuhay pagpangita sa biktima apan kalit lang nawala. Nakit-an siya sa mga pulis nga mitago ilalom sa katre human gitug-an sa iyang anak nga kadula ra sa biktima. Napugos pagtug-an ang suspek kung asa niya gidala ang biktima rason nga napalgan kining gisulod na sa sako nga wala na’y kinabuhi.
